فى حب مصر

في حب مصر
*****
يامصر عاشقك
ولو عـِشقـك..هايدبحــــني
يامصر عاشقك
ولو ضهـري..صَبح محني
لا شفت فـ الليل قمر
زيـّك..يمســــــــيني
ولا زي طـَلعة نهار
شمســــــــــك..تصـّبحني
طول عمري..زي الطيور
ساعي علي ..رِزقي
والدنيا ..زي الهـوا
عمـّـــــال...يطـّـوحــــني
لكن عليكي غيــــور
لو قـُلتي ..يوم آهـه
بتلاقي قلبي..إنفطر
والآهه..تجـــــــــرحـني
عـِشت الحياه كـُلها
دفيان..فـ أحضـانك
نايم علي البسمـله
وآدان..يصحـــصحــني
يا مصر عاشقك
ولو بردك قرص فيـّا
يا مصر عاشقك
ولو صَهدك..بيلفحــني
يكفاني آخر النهار
ترييحه..فوق كـّفك
وفرحه زي الصغار
لمـّـــــا..يمرجحــــــني
قدري ونصيبي كده
مهمــــــــا تعبتيني
عاشقك..وهأفضل أقول
تـَعبــك..مريـّحـــــــني
*****
يا مصر عاشقك
علي الحـِلوه..و عـ المـُره
إنتِ الأصيله
وقالوا ..الحــــــُر..للحـُره
ساعات بأحسِك
ربـُاط الحبــــــل..بالسـُره
وساعات حبيبه
ما ينفعشي..لـِها..ضـــُره
وإن عـَقلي فكـّر..فـ يوم
يبعد بعيد..عنــّك
قلبي بيفتح طريق
ليكي..يروّحنــــــــــــــي
*****
ياللي تلومني علي
إني بأغنــي لمصر
جرب فـ يوم حبـها
وبعدها..أنصَــحــــــني
*****

red]e=24]تسلم تابع تميزك ياغالي[/size]