معلومات ضرورية لكل صيدلي . الباراسيتامول!

معلومات ضرورية لكل صيدلي

إن شاء الله حنبدأ كتابة سلسلة مقالات بعنوان معلومات ضرورية لكل صيدلي
حنتكلم فيها عن مجموعة من أهم الأدوية الموجودة في السوق من غير كلاكيع و
لاعقد بإسلوب سهل و بسيط يغطي الحاجات اللي بنشوفها في الصيدلية

و انا حسيت إنه من الأفضل نركز دلوقت على الأدوية اللي بتطلع من غير روشتة
أو ما نسميها OTC و حنبدأ بمضادات الالتهابات غير الإسترويدية NSAID و
الباراسيتامول

الباراسيتامول Paracetamol

(Acetaminophen)

[ندعوك للتسجيل في المنتدى أو التعريف بنفسك لمعاينة هذه الصورة]

كام مرة شفنا الباراسيتامول بيطلع قدامنا من غير روشتة أو بروشتة؟ متعدش.....

هو إيه الحكاية مفيش غيره؟ [ندعوك للتسجيل في المنتدى أو التعريف بنفسك لمعاينة هذه الصورة]

طيب هو البارسيتامول بيعمل إيه؟

قبل منعرف هو بيعمل ايه لازم نقول كلمتين عن ال NSAIDs

أي NSAID بيشتغل عن طريق منع إنزيمات Cox اللي بتؤدي لتكوين Prostaglandins) PGs)

ودي لحد وقت قريب كانوا مفكرينهم نوعين:

cox1

و ده منعه بيؤدي إلى آثار جانبية على المعدة زي القرحة ulcer لأن Cox1
بيؤدي إلى تكوين نوع من ال PGs مسئولة عن حماية الgastric mucosa ، و كمان
Cox1 بيلعب دور في وظايف الكلى الطبيعية فمنعه حيأثر على الكلى

Cox2

و ده مسئول عن تكوين ال PGs اللي بتسبب الإلتهاب

بس الباراسيتامول فضل لغز محير ليه؟

لأنه مسكن و خافض للحرارةAnalgesic & Antipyretic و بالرغم من ذلك مبيشتغلش على Cox1 ولا Cox2 بصورة كبيرة.

ده فسر ليه ملوش أثار جانبية على المعدة وليه هو مش مضاد للإلتهاب Antiinflimatory

بس مفسرش برضه إزاي بيسكن الألم و بيخفض الحرارة؟

لحد سنة 2002 اكتشفوا نوع تالت من ال Cox موجود في المخ و الحبل الشوكي فقط
و سموه Cox3 و هو ده اللي الباراسيتامول بيمنعه بطريقة selectiveعشان كده
هو فعال في خفض الحرارة و تسكين الألم بس ملوش تأثير مضاد للإلتهاب في
أجزاء الجسم المختلفة. (1)

إيه هي بقى أشكال الباراستامول في الصيدلية؟

يووووووه متعدش...

أقراص

لوحده زي ((Panadol, Paramol, Paracetamol, Adol…. أو مع مزيلات للإحتقان
أو/ و مضادات للهستامين و ساعات كافيين زي (Flurest, Flustop, Cometrex……)

و فيه كمان نوع واحد مع أسبرين و كافيين هو Excedrin وده قدروا فيه يتغلبوا
على مشكلة Transacetylation بين الأسبرين و الباراسيتامول عن طريق صنع قرص
متعدد الطبقات multilayer tablet و فصل الطبقات دي بdiluent لمنع ال
interaction بين الباراسيتامول و الأسبرين

الجرعة قرص أو قرصين 500 مجم من 4-6 مرات يومياً بما لايتجاوز 4جم

شراب و نقط

(Paramol, Tempra, Temporal, Pyral….)

الجرعة شراب 120مجم/ 5مل: ملعقة صغيرة (5مل) 3 مرات يوميا

نقط 100مجم/ 1مل : نصف أو واحد مل 3 مرات يوميا

تحاميل (لبوس)

(Paramol, Paracetamol, Pyral….)

الجرعة تحميلة 250 مجم 3 مرات يوميا

أقراص و أكياس فوار

من امثلتها أقراص Cevamol وهي عبارة عن فيتامين C و باراسيتامول و Molven
أكياس فوارة بارسيتامول و كافيين و كمان فيه G.C.mol و دي Guaiphenasin
طارد للبلغم و فيتامين C و بارسيتامول

الجرعة قرص أو كيس 3 مرات يوميا

حقن في الوريد؟؟؟؟

Perfalgan بيستخدم في المستشفيات كتير

و ممكن نستخدم الباراسيتامول بآمان لكل من

السيدات الحوامل و المرضعات

الأطفال

مرضى الأزمات الصدرية (ما عدا حالات نادرة جدا)

مرضى ضغط الدم المرتفع و مرضى القلب

الناس اللي عندهم قرحة معدة

( وده بعد استشارة الطبيب طبعا)

يعني هو ملوش عيوووووب؟

لأ فيه عيب واحد يتعطي بحذر للناس اللي عندهم severe hepatic & renal impairment

طيب ايه حكاية الParacetamol + methionine ؟

موجودين مع بعض في Hepamol و Paralex Plus و الشركات بتقول إنه كده ممكن
يتعطى للناس اللي عندهم Hepatic impairment بس فيه ناس بتقول إن الكلام ده
مبالغ فيه و إن ال methionine بيقلل الأثار الجانبية للباراسيتامول على
الكبد في حالة الجرعات الزائدة مش في الجرعات العادية و إن ال methionine
كمان له أثار جانبية في الجرعات العالية

يعني من الآخر فيه كلام كتير عليها و مش مؤكدة فاعليتها (2)

طيب لو حد أخد جرعة زايدة من الباراسيتامول وحصل تسمم ايه ال Antidote بتاعه؟

n-acetylcysteine في الوريد بيخلي الكبد ينتج glutathione اللي بيعمل
combination مع benzoquinoneimine السام اللي بينتج من أكسدة الباراسيتامول
في الكبد

بس لازم يتلحق في خلال أربعة و عشرين ساعة

نورت المنتدى بمشاركاتك القيمة والمفيدة

متشكر جدا على سرعه الرد واتمنى الاستفاده مش عدد المشاركات

كلام جميل شكر

عمل مميز و مفيد اخوك عنتر خزيم صيدلي با لطويله

اولا نورت المنتدى يادكتور
ونشكرك على النصايح الغاليه ونتمنى منك المزيد كما تعودنا

مشكور وجزاك الله خير على المعلومات الرائعه ونتمنى من الله ان يشفى جميع مرضى المسلمين وفى الاول وفى الاخر انت بامانه نورت المنتدى

مش عارف اقول ايه ياجماعه بصراحه ده كتير عليا
جزاكم الله خيرا على تشجيعكم
الجزيره _ هشام _د/خزيم _ابو اشرف وحبيبى طبعا الكابتن مصطفى
والمنتدى فعلا منور بيكم

يادكتورنا انت تستاهل اكتر من كده وربنا يوفقك يارب

عمل نتميز جدا بارك الله فيك

[]فينك يا دكتور عبدة وحشانا مشاركاتك القيمة

المملؤة بالمعلومات الدسمة الفعالة
خليك دايما معانا على سطور المنتدى

الباراسيتامول لي هو الاسبرين صح

مشكوور موضوع مفيد جداا
واصل تميزك

» معلومات عن الطفل الرضيع؟؟؟
» معلومات عن طب الاسنان وصحة الفم
» معلومات عن اجمل مدينه القرين شرقيه
» معلومات عن بعض الادوية والعقاقير الطبية البيطرية الجديدة
» نساء القرين شرقيه معلومات للعنايه بالوجه والجسم